ឆពណ្ណរង្សីរស្មី ៦ពណ៍

ព្រះពុទ្ធបរមគ្រូ មានឆពណ្ណរង្សីរស្មី ៦ពណ៍ផ្សាយជុំវិញ
កាលនៅជាព្រះពោធិសត្វព្រះអង្គបានបំពេញ ទានបារមី
ផង ទានឧបបារមីផង និង ទានបរមត្ថបារមីផង។
ទើបកើតចេញជារស្មី៦ពណ៍ ផ្សាយពីព្រះវរកាយ
ព្រះអង្គ។

១. ពណ៌ខៀវ តំណាងកាលព្រះអង្គឆ្កៀលព្រះនេត្រ
ធ្វើជាទាន ដល់ឥន្ទព្រាហ្មណ៍ នៅពេលដែលព្រះអង្គ
យកកំណើតជាក្សត្រនាមស្រីពិរាស្ត្រ។

២. ពណ៌ក្រហម តំណាងកាលព្រះអង្គយកកំណើត
ជាមាណពឈ្មោះបទុម ហើយត្រូវពស់ចឹកមាតាស្លាប់
ព្រះអង្គស៊ូប្តូរជីវិតកាត់បេះដូងធ្វើជាថ្នាំសង្គ្រោះមាតា។

៣. ពណ៌លឿងតំណាងកាលដែលព្រះអង្គ យកកំណើត
ជាវៃបណ្ឌិត ហើយបានអារសាច់របស់ខ្លួនឲ្យជាងទង
ផែជាមាសដើម្បីបិទព្រះពុទ្ធរូបមានពន្លឺភ្លឺថ្លា។ កាលនោះព្រះឥន្ទបានដំណែងខ្លួនជាជាងមាស។

៤ ពណ៌ស តំណាងកាល ដែលព្រះអង្គយកកំណើតជា
ព្រះវេស្សន្តរហើយព្រះអង្គ បានឲ្យទានដំរីសដល់ពួក
កលឹង្ករាស្ត្រ។

៥ ពណ៌ហង្សបាទ តំណាងកាល ដែលព្រះអង្គកើតជាវិជ្ជាធរ
ហើយត្រូវយក្សចាប់មាតាព្រះអង្គបាន ព្រះអង្គក៏អារសាច់
របស់ខ្លួន ឲ្យយក្សស៊ី ដើម្បីជួយមាតាមកវិញ។

៦ ពណ៌ផ្លេកតំណាងកាល ដែលព្រះអង្គកើតជាទន្សាយ ហើយលោតចូលទៅក្នុងភ្លើង ដើម្បីបំពេញទានដល់
ឥន្ទព្រាហ្មណ៍ជាអាហារ៕

នៅក្នុងទានទាំងអស់នឹង តើអ្នកដឹងទេថា ទានណា
ជាទានបារមី ? ទានណាជាទានឧបបារមី និង
ទានណាជាទានបរមត្ថបារមី? សូមពិចារណា
ទាំងអស់គ្នា!